前言：
依稀記得果年為何會開始日本既旅行，原因係追溯果年之前，去左一趟泰國曼谷。縱然係2月既天氣，炎熱既曼谷，走唔夠半日已令人根疲力盡，更唔好講連續8日，沒有租車代步，帶著果個5Kg既背嚢，係30幾度以上天氣下街上遊走既日子。
人類，永遠就要重覆犯同樣既錯誤。5年後，去過了日本好多地方，係一切也似乎是絕對既情況下，今次我(們)選擇了去左好多次既新加坡，同埋沒去過既馬來西亞新山。
座慣左廉航，當然係由AIR ASIA、TIGER依D航空公司著手。但其實新加坡航空既價錢，與前兩者相差不多。咁當然唔駛再諗，直接揀新加坡航空由香港直飛新加坡既航班。
早大半年已訂好既計劃，出發卻係聖誕節前夕。香港經歷了開埠以來，大半年既社會運動，出發當刻心情，其實都係非常矛盾及不安。這幾天就當比自己休息一下，回來繼續抗爭既日子。
每次旅行也會擬訂好行程，但新加坡去了不知幾多次了(其實我係記得既，今次已經係第5次了)，就知今次一定唔會跟著行程走。讓自己隨心所欲，去到邊到就邊到吧。沒有私家車代步既日子，酒店根本不可能天天更換，3晚新加坡，3晚馬來西亞新山，再加1晚新加坡，希望會係最好既安排。
第一天：
航班12:30由香港出發，16:30前就已經到達新加坡既樟宜國際機場。第一次被新加坡入境署人員問來新加坡做咩？我只簡單答左一句，SIGHTSEEING，就輕易比我進入新加坡境內。回想當時如果被拒絕入境，真係要多撚謝那個白痴華D來新加坡攪事。熟識既機場環境，近乎沒有變過既MRT及DAY PASS。只係3日加1日係新加坡既時間，買3日+1日既TOURIST CARD就似乎唔多化算，而且諗到根本唔會搏命用盡MRT既服務。此刻依張EZ-LINK卡，就一定比TOURIST CARD更化算。雖則退卡時唔會退回卡錢，我們就用SGD5，作一次賭博吧！
今日既新加坡MRT服務，比之前更四通八達，要前往酒店座落既HONG KONG STREET(其實覺得真係好諷刺，離開抗爭既香港，但又要來到新加坡既香港GUYS)，最近就係CLARK BAY站。但睇著MRT既地圖，原來有多條MRT路線，都可以到達CLARK BAY站。咁當然揀一條少人上落車既車站，至少有位可以放著果件行李。經過那差不多1小時既車程，我們終於來酒店。
第一天晚上原來是要去CLARK BAY，但經過1小時既車程，可能是天黑既關係(定係有人黑面既原故)，今天行程換來一人豐富既晚餐，跟著就可以返歸嘆酒店冷氣了。
第二天：
常聽說新加坡既肉骨茶出名，但一切都唔及，一間出名既肉骨茶(松發)店舖，就在酒店門口旁邊大街。理你係唔係米芝蓮推介，最重要唔需要大爺們等位，依個就係來新加坡第一日既早午餐。第一次食/飲肉骨茶，我覺得就係一碗胡椒豬骨湯。唔排隊真係可以一試，要排隊我就情願去FOOD COURT。
早餐後，明顯大家已經唔想再跟行程。由CLARK BAY，沿SINGAPORE RIVER來到VICTORIA THEATRE。探訪MERLION後，沿ESPLANADE BRIDGE及HELIX BRIDGE，來到MARINA BAY SANDS。當然，MARINA BAY SANDS內既賭場，絕對係一個嘆冷氣同吸二手煙既好地方。而我們最終既目既地，當然就係附近既GARDEN BY THE BAY。
因為天雨既關係，GARDEN BY THE BAY能夠去既地方，就只有CLOUD FOREST及FLOWER DOME。兩者除了多了聖誕既裝飾外，其他同之前去既時候分別不大。
今晚晚餐係台式HOTPOT，3X度下仲要食HOTPOT，簡直就同焗著桑拿打邊爐一樣，一路食一路大汗夾細汗，真係唔好再有下一次。
第三天：
早上諗下今日要去邊到，但事前當然要食個早餐先。由酒店走到CHINA TOWN，其實都只需要15分鐘既時間。前往CHINATOWN FOOD STREET，可能因為時間尚早關係，全部店舖也未有營業。轉到CHINATOWN HAWKER CENTER，終於找到像香港熟食市場般既小店，早餐就係依到吧。
計劃新加坡行程時，一直諗除左環球影城、聖淘沙、夜間動物園外，其實真係會唔會仲有其他既景點呢？睇著地圖，不知那位天才，居然揀了位於MARYMOUNT MRT旁邊既MACRITCHIE RESERVOIR行山徑。在平原上既新加坡，居然有一個行山既節目，應該無咩遊客會有興趣？而在路上終要搵一個目的地，所以選了SUSPENSION BRIDGE作為行程既終點。但萬萬想不到既係，未來到橋面前，已被前行者告之，橋既入口已關門了(現在當然知道，其實唔係關門，只係今日從來無開門呢！星期一休息是也)。而係3X度既辛苦路程，換來就係群蚊蜜蜂式攻擊收場既結果。
迅速撤離，來到UPPER THOMSON ROAD，嘆左果支好耐都無咁饑渴既500ml汽水。隨便跳上一架唔知前往邊到既巴士(習慣係上左巴士，永遠問人依架幾號巴士)，來到ANG MO KIO。5點幾既時間，下午茶又太晏，晚餐又太早，就係附近一間熟食中心式既食店，加上平時從不會買切開既生果，就提早完成今天既旅程。順便搵埋找換店，預備好明天馬來西亞，將要用到既馬幣。
第四天：
旅程中轉酒店從來都係平常事，但當沒有租車代步，兩間酒店相距千里，更要橫跨兩個國家既出入境。今天真係有點後悔。為了準備今次馬來西亞行程，迫不得已也要多手準備，上網既電話卡，多站巴士既地圖行車資料。雖則準備好一切，但今天應該會係一個歷險既行程。
離開HONG KONG STREET既酒店，由CLARK BAY MRT，一直去到JURONG EAST MRT。在MRT出口不遠處就找到CW3/CW4既巴士站，付了每人SGD4，就踏上前往馬來西亞新山之旅。半小時唔到既車程，就來到TUAS CHECKPOINT，出境新加坡，再上返CW3/CW4巴士，車就送大家去到CIQ2。經過馬來西亞入境處，便會有巴士(CW7L)前往LEGOLAND及MEDINI MALL，車費依然是每人SGD4。
從來都無細心研究LEGOLAND附近既地圖，只知道LEGOLAND隔來就是MEDINI MALL，而MEDINI MALL對面就是今次既酒店。巴士經過周邊都係綠油油機林公路後，終於來到LEGOLAND了。司機叔叔打開車門，以期待既眼神望著我們，為何到站我們也沒有想落車既意圖呢？當下反應是我們要去MEDINI MALL，並不是LEGOLAND。現在，當然知道係咩原因，問了司機叔叔，我們要去MEDINI MALL，就在LEGOLAND轉彎處，而酒店就係巴士站對面。
下車後，望一望MEDINI MALL，唔係講好『依斯干達公主城』嗎？公主城點都應該有個城堡吧！但眼前既MEDINI MALL，就係地面一層既商場/食肆，你就當是LEGOLAND外面一個一層既SHOPPING MALL同FOOD COURT就最適合。而MEDINI MALL對面除了我們既酒店外，另一面就係一幢幢建好了，但沒有人入住既大廈。馬路上，十隻手指可以數曬有幾多人，依個就係眼前既馬來西亞既LEGOLAND周邊。
來到3晚既酒店，覺得其實是住宅改為APARTMENT再出租，CHECK-IN後我們就到依斯干達公主城MEDINI MALL作實地探險。有超市、食肆加少少精品店舖，現在體會到，3日將會係依到，會唔會係一個太長既時間呢？晚餐選擇了一隻燒雞，RM40既價錢，相對係樂園旁既價錢，其實又真係幾抵食呢？
晚餐後返回酒店，望著間中一兩架行過既車輛，有人走過馬路更是寮寮可數。大家也在討論，明天是否依然要去LEGOLAND呢？但不去LEGOLAND，又可以去那裡呢？
第五天：
沒有結果既討論，一直來到第二朝既早上。見到酒店有單程巴士前往附近商場，隨便揀個離酒店8分鐘車程既SUNWAY CITRINE HUB，當作今日既旅程。酒店專車好快就送我們去到一個屋苑附近，周遭得幾座別墅平房、一兩座大廈外，就是一座4、5層高既商場，但只有最低2、3層有商鋪營業。選了一間韓式餐廳作為今天既早/午餐，那之後呢？其實我們係要搵車返回酒店呢！
環顧四周，唔講有無車先，最重要係連人都唔多個。既然如此，我們決定用最原始既方法，用雙腳行返去酒店。心諗8分鐘既車程，最多行2個鐘點都返到去酒店。如是者，行下睇下，我們來到SUNWAY BIG BOX RETAIL PARK，一個新開無耐既商場。咁樣既商場，在香港大家一定會不削一看。但在馬來西亞既依斯干達公主城，這已經係一個不錯既景點了。在我們光顧了12月18日才開張既NSK TRADE CITY超市後，天居然開始下起雨了。決定從速離開，但上天似乎準備好暗算我們，開始明明係微雨，我們愈行愈遠時，雨就愈來愈大，還要不時作出雷撃恐嚇。環顧四周，整條馬路沒有人，也沒有瓦遮頭，正是前路茫茫，還是只有帶著雨傘，在馬路上奔馳(依斯干達公主城既行人路，根本就係雜草叢生，情願行馬路都唔會行行人路)。經過30分鐘行程後，眼見我們明明已經專登走係馬路既邊旁，但迎面居然見到有架私家車正在剷返來(其實我見佢係有打死火燈既呢)，車上似乎係一對新加坡既情侶，他們問要去那裡，要不要幫忙送我們過去？難得係而家依個屋漏偏逢夜雨既時間，我們題及只想回到LEGOLAND，他們說可以送我們一程(估不到係依個世界居然仲有好人呢)。車上他們題及到，依到唔會有人係路上行呢(我們而家當然非常清楚呢)！他們係係對面行車線，見到我們，所以專程掉頭語來(真係需要萬分感激他們)。5分鐘唔到既車程，我們就返到酒店了！
第六天：
經過昨天慘痛既經驗，所以今天就算LEGOLAND內節目再差，我(們)也會到此一遊。既然一定要去，昨晚就要下定決心，先在網上買定門票。但居然在KLOOK網站，看到一個比LEGOLAND官方門票更抵既價錢。雖知網上世界便宜莫貪，但本著慳到就慳，慳唔到最多未唔去既心態，結果用慳返一個早餐既價錢，買左LEGOLAND既門票。
很多朋友問，我們牛龜馬大去LEGOLAND做咩？其他團友我不知道，我就當作同小朋友爭遊戲/玩具既心態。但馬來西亞既LEGOLAND，不用去爭，因為根本沒有人會同你爭。想玩遊戲，15分鐘一定有你份。
而LEGOLAND最吸引我(們)的項目，一定首推OBSERVATION TOWER。有咩可以係3X度天氣下，有得嘆著冷氣座係到唔駛郁都影到一張LEGOLAND全景相呢？反正又唔多駛排隊，真係玩多幾次都唔拘。
第七天：
今天是返回新加坡既日子，早上10:40在MEDINI MALL門口乘巴士CW7L，價錢是RM4.5，無錯係RM4.5直送到去新加坡JURONG EAST MRT，比起之前由新加坡來LEGOLAND價錢(SGD8 VS RM4.5)，依個係咩道理呢？
根據手上資料記載，過關人多時候，可以隨時超過2個鐘。但我們心想這些平日時間，又過了早上返工時間，2個鐘既等待時間應該與我們絕緣。但世事永遠就是咁神奇，10:40由MEDINI MALL出發，11:00來到CIQ2，輕輕鬆鬆11:15就來到TUAS CHECKPOINT。震撼既畫面出現在新加坡既關口，接近300人既人龍，6個邊防人員，一等就等捉1.5小時。排隊過關超過百次以上，今次都係第一次可以睇埋著YOUTUBE排隊過關，更重要係睇完YOUTUBE都未排到你。朋友悔氣地講，你留意下果個四眼仔邊防(佢根本就係針對好似我既帶眼鏡人士)，人地隔來有問題關你咩事？攪掂自己前面既人先啦！一直以為資料記載2小時排隊過關是馬來西亞邊境，今日在新加坡，真是令人大開眼界。
離開TUAS CHECKPOINT既巴士，又不知甚麼原因，被前面架過關貨車頂著，駛不進入巴士站，如是者又等左45分鐘才上了巴士。半小時後終於返來JURONG EAST MRT。時間是14:30，即係總共用了差不多4小時既時間，才由馬來西亞返來新加坡。
吃了遲來既午餐，先去CHINA TOWN買點手信，我們就前往今晚既酒店，VILLAGE HOTEL CHANGI。選擇這間酒店，都係貪其近機場，而且還可以走一趟去烏敏島。但經歷4小時既過關之旅，再由JURONG EAST MRT到CHINA TOWN MRT再到SIMEI MRT轉巴士，差不多5點才來到酒店，來往烏敏島渡輪，一早已關門大吉了。現在節目，就只有去一下CHANG BEACH PARK，在海風下洗滌一下今天既辛勞。在日落海風之下，煩惱一早已被吹到不知何方了，原來去不去烏敏島根本是沒有所謂呢！
晚餐既選擇，當然就是附近既CHANGI VILLAGE HAWKER CENTRE。這裡有點像前幾天去過既CHINATOWN FOOD STREET，但這裡有更多既選擇。坡紙對港幣差不多是1對6，在這裡購物是不會有任何壓力。SGD0.8一串串燒，SGD1.5一杯大庶水，計起來一餐人均消費，也不過是HKD100有找，絕對是經濟既選擇。
第八天：
來到旅程最後一天，其實也沒有甚麼行程，一心想早點去機場，睇下果個新建成既星耀樟宜，究竟會有甚麼吸引呢？這也是選擇這間酒店既另一個目的，乘酒店專車去機場，只需要半小時既時間。
本來諗要去到機場才會有早餐，但更早既起床時間，就換來一趟CHANGI VILLAGE HAWKER CENTRE早晨之旅。懷著唔一定搵到既心態，換來就是一碟濕炒牛河加即炸雲吞再加一杯大庶水既早餐。餐後終於可以出機場了。
11:30來到機場，在MRT退了那張EZ-LINK卡(最終根本唔會去計是賺定蝕既問題)，前往航班出發既TERMINAL 3，無人駕駛列車中途就會經過星耀樟宜既大樓，似乎就係一個大型水池由上而下既感覺。辦好了自助登機程序，送走了行李，我們就前往今天最後節目‧星耀樟宜。
正如之前既諗法，星耀樟宜所在既大樓，就是一個大型漏斗型既水池，簡單一句就像新娘潭照鏡潭既感覺，只係一個係人工，一個係天然而己。而天空花園，就係一個在水池上面既鐵網陣‧‧‧但一切好像也吸引不了我們。
後記：
踏上回家路上，感覺8天好似無咩野做過一樣，只係行行、食食、睇睇，依個唔係平時星期六日所做既事嗎？新加坡之旅，其實就似一個比假期更假期既假期。
來到2020年2月，共產黨為全世界送左武漢肺炎依個大禮物。大家都在努力搶口罩、搶清潔用品、搶米、搶廁紙，感覺就好似電影『WORLD WAR Z』一樣。或者，根本唔需要做咩反共、反政府。極權政府終有一日會自取滅亡。天佑香港！