13年之後：
仲記得上一次來到台北，已經喺13年前嘅事。今次決定嘅行程，由去邊到、買機票、訂酒店，一切都喺來自2個星期內嘅一個想法。當世界一切由不可抗力來支配時，更多嘅準備都喺徒然。決定咗去邊到度後，開始制訂一下今次台北旅程，究竟可以去邊到。一直以來嘅諗法，同人去就可能要遷就人食咩野、去邊度。但換轉只有自己，自由度就高咗好多，自己時間用來任性吓唔比咩？一個人嘅行程好簡單，好似點解要食嘢？咪因為肚餓想食，或者喺偶爾遇到街邊嘅小攤檔/店舖，就可以鳩衝去食。更加唔駛特登揀報紙雜誌或者網上推介嘅店舖，專登搵又花時間，更重要喺食嘅野都可能差唔多，與其花時間為咗特定目的，旅程上不如做返自己想做、平時唔會做嘅(傻)事。人生仲能夠任性吓，生活本應就喺咁簡單。
機票加埋燃油附加費、保險等都喺港幣1500蚊，𠵱個價錢，同廿幾年前，第一次一個人去台北價錢近乎差不多。喺行程上，我決定會去一個未去過嘅地方‧陽明山，以及去過嘅淡水、中正記念堂之類。而酒店我揀咗一間，一晚只需要港幣300圓左右，遠離市中心嘅三重市，酒店名叫「富裕自由正義國小旅店」。
 |  |
第一天：
朝早9點食完早餐出發去機場，1.5小時左右航程就來到達台北桃園國際機場。45分鐘過關，買埋張悠遊卡，就可以乘搭機場捷運前往三重站，再轉捷運到台北橋站。由台北橋站去旅店，只需5分鐘路程。旅店從外觀望落真喺頗殘舊，不過入到裡面內籠其實都算可以。300幾蚊我可是無咩要求，最緊要喺地方乾淨。旅店外面都幾繁華，麥當勞、KFC、吉野家、MOS Burger、Burger King再加好多本土食店齊備。現場觀察，𠵱個三重區位置，其實真喺唔輸比台北火車站附近，當然價錢已經不一樣了。
晚餐約咗舊朋友喺西門町。十幾年冇去過嘅西門町，上一次是好多人。今次去更喺人山人海。晚餐喺朋友介紹食到飽嘅火鍋，價錢比香港平，食物可以。晚餐後不想喺捷運轉線，選擇西門町一條地下街直駁到台北火車站，喺台北火車站搭捷運返台北橋站，再喺台北橋站對面嘅三和觀光夜市兜過圈，完成第一日嘅行程。
| |
