3月1日：
今日開始會係一連4日既租車旅程，亦係旅程第一次轉酒店，唔知又會遇上咩奇事呢？
係酒店冇乜嘢做，諗住食個EARLY早餐，早啲出去租車公司攞車。但係溫哥華原來早去到攞車係要徵收附加費。早一個鐘畀多20蚊加幣好似有啲貴，但要不遲多1個鐘再返來，否則就係本著財散人安樂心態，20蚊咪當食多咗個LUNCH。
今次租到既車係MAZDA 3型，普通4門既私家車，驗車時已經見到車尾有啲刮花(今次真係唔關我事)，係租車公司搞掂所有文件、保險。就發現原來車上面係冇GPS，幸好一早估到，用MOBILE Google Map設定出發到今日第一個景點，就係返酒店攞返件行李。靠著Google Map係條街到左轉右轉，本來5分鐘既路程，足足搞咗15分鐘先返到酒店。最重要係成功又無意外泊到入去酒店既停車位。
 |  |
Burnaby Lake Regional Park：
攞咗件行李，正式前往今日既景點Burnaby Lake Regional Park，沿著湖邊行咗一半既路程，雖然全程都係平坦既沙石路，但都已經用咗差不多超過2個鐘既時間，為免延誤下一個行程，決定沿路折返(𠵱個就係有車最大既煩惱)，前往下一個景Burnaby Mountain View。
| |
Burnaby Mountain View：
叫得Mountain View，當然就係一條HIKING路線。根據地圖指示，路線可前往Simon Fraser University，但問題係，同之前一樣，去到就要沿路折返停車場攞車。雖則人生上幾多落幾多係整定，但最終決定，係HEA行一段路線，影下北溫對岸就準備撤退。
| |
Deer Lake Park：
30分鐘左右車程，就來到下一個景點Deer Lake Park。寫到明係個湖，當然又係可以圍著個湖周一個圈。但而家時間差不多係下午4點左右，我反而更加想去一個明天會去既地方視察下。
| |
Iona Beach Regional Park：
來到機場附近既Iona Beach Regional Park，期望一下聽日聽日預見到既日月同框既畫面會係點。雖則全程吹足2個鐘頭以上既海上凍風，同埋今日唔係MATCH到月出及日落既時間，但一切都係值得。
| |
前往酒店：
由Iona Beach Regional Park返去酒店，預計會係惡夢既開始。行錯路、轉錯彎、MISS咗出口、經過但都望唔到間酒店全中。其實朋友係出發前已說明，係Downtown仲咩要租車，搵位泊車會係一個惡夢，小則被抄牌，大則會拖車之類。所以預咗任性係要付出代價，今趟返酒店路程一定會奶嘢，只係諗唔到會比想像中更嚴峻。
人類(包括我)永遠都係重複同樣既錯誤，係Downtown不斷左轉右轉，尋找今晚酒店既位置。係車箱裡面細小既空間觀察，街上人多、車多、路口多、彎位多之下，其實唔係擔心好夜或者搵唔到酒店，而係擔心會唔會租車第一日有咩閃失要就要打911呢？最終真係LOCATE唔到間酒店，所以諗著係酒店附近停低左架車(擺明就係違泊)，用原始步行搵到間酒店係邊度(原來我係酒店門口不知已經經過多少次了)，再問下泊車方式，職員好好人提及，第一可以係酒店門口LOADING ZONE，著左車既死火燈，攞左行李去CHECK IN，上左房間放低行李再搵位泊車，又或者加幣35一晚泊酒店後面停車位。
既然酒店門口就有標位，只係好彩定唔好彩會有無空位而已。大約知道位置，上返車，終於將車泊入到酒店門口標位。但原來由學車到而家，我係第一次泊S位，只要架車無刮花，上壆我係當贏左同絕對接受。用旁邊既泊車機賣咗一張泊車證，1個鐘約加幣4蚊直到晚上10:00，而晚上10:00到聽日9:00免費。今晚就可以安心瞓覺，明天9:00記得起身攞車。
| |
酒店：Barclay Hotel
✿ 1348 Robson Street, Vancouver, BC V6E 1C5
☎ 604-688-8850
| |
