前言：

一個定於復活節假期後既福岡行程，對於賞櫻時機，似乎已經係一個太遲出發既日子。但實際情況又會係如何呢，一日未去到也不知結果。今次行程比較簡單，主要集中福岡市及周邊，及會租車前往別府3日2夜作短線旅遊。

陰陰沉沉既香港天氣，正如平日心情一樣。

第一天：

乘坐HK EXPRESS航班來到福岡，已經是午後時間。係機場買左張NIMOCA IC卡，先乘坐免費SHUTTLE BUS由國際線機場到國內線機場再轉乘地鐵，乘坐3個站20分鐘車程，便來到博多駅。

在福岡地鐵上遇上既KURO。

前往酒店：

由博多駅前往今晚的APA(博多駅東)酒店，只需要15分鐘行程，但拖著果個大行李喼係條街到行，仲要係放工時間既博多駅，就真係唔係講玩。但只要離開博多駅5分鐘既路程，整條街就變成『油治及輕』同『夜奔分』香港晚上一樣，人同車都少得稀奇。

放低行李，走回博多駅，尋找今天的晚餐。漫無目的走到博多駅附近既『音羽公園』，一處比香港城門河更多既櫻花就出現係眼前，但居然一個人都無係到注足觀賞，除左我。

用相機拍下第一次日本見到既櫻花，感覺就像人生解鎖一樣，又可以開心去食今晚既晚餐。當然，解鎖又點止咁簡單。

又來到SUKIYA‧‧‧

慣常既牛肉飯晚餐。

酒店：アパホテル＆リゾート 博多駅東 (APA Hotel & Resort Hakata Ekihigashi)

〒 812-0013 福岡県福岡市博多区博多駅東1-18-1
☎ 092-477-9011