第七天：
今天行程會前往大濠公園、福岡城跡、TEAMLAB、天神地下街及傍晚既LALAPORT。當然咁緊湊既行程，就先食一個豐富既早餐，再行去『天神駅』乘地鐵前往『大濠公園駅』。
 |  |
大濠公園：
來大濠公園既原因，就係為左果到盛開既櫻花。但由來到福岡既第一天開始，已經見過大大小小既櫻花，而且一直都認為，今趟旅程會看到既，就係『水尾』既櫻花，所以今天對大濠公園既櫻花，沒期望就自然沒有失望。
| |
舞鶴公園：
大濠公園另一處，就係舞鶴公園同福岡城『跡』，根據之前經驗，城跡即係只會有幾舊石頭而唔會有個城係到，但當去探下D櫻花，我覺得係直得一去。
| |
TEAMLAB：
由大濠公園前往TEAMLAB，原計劃係返回大濠公園駅，乘搭一個車站到唐人町駅再行15分鐘過去。但大濠池既出口，行去唐人町駅或返去大濠公園駅，路程根本是一樣。為左慳返車費，直接前往『チームラボフォレスト 福岡 - SBI証券』內既TEAMLAB。亦因為依個原因，經過一條平凡不過既唐人町商店街，一份炸雞、一份雞翼、一個咖哩炸飽，旅程最喜愛既平凡同滿足感覺，就係依個地方找到。
再行去『チームラボフォレスト 福岡 - SBI証券』路程，人影都唔多個仲要曬到HIGH HIGH，唔係因為未去過TEAMLAB真係已經一早放棄左。TEAMLAB相信唔需要多介紹，打卡位係邊大家一定比我更清楚，但第一個點既手提電話APP掃動物，原來ANDROID電話係唔多用到，幸好有第二、三、四個點唔需要電話都玩到賺返唔少分數。
『チームラボフォレスト 福岡 - SBI証券』，1/F有『HKT 48劇場』，7/F有『サンリオキャラクターズ ドリーミングパーク(Sanrio Characters Dreaming Park)』，4/F有『王貞治ベースボールミュージアム』，3/F又有美食街，如果唔係要去天神地下街，其實依到可以玩到大半日。
| |
天神：
天神地下街，對於一個無野買無野想買既人來講，其實都係到此一遊。
| |
LALAPORT：
本來無意前往LALAPORT，但聽說果到有個好大既高達。一開始諗係未好似『キャナルシティ博多』GUNDAM BASE門口果隻一樣，但來到LALAPORT門口，先知道係同東京台場果隻一樣咁神高神大，『キャナルシティ博多』GUNDAM BASE門口果隻係獨角獸高達，LALAPORT門口依隻係RX-93，當然，LALAPORT也有GUNDAM BASE，但售賣的當然係以RX-93作為賣點。
| |
酒店：ホテルトリフィート博多祇園
〒 812-0039 福岡県福岡市博多区冷泉町8-24
☎ 092-283-7060
| |
