大阪8天遊：第1天

反面收場呢？

同一個相識超過20年，由舊同事去到朋友關係既人一齊去旅行，第一個擔心，居然不是行程安排，反而係返來仲會唔會無朋友做呢？

行程由舊年傾談開始，到今年3月要出發，其實大家都無實際傾過內容。過往經驗話比我知，應該又係果隻我要全包的項目。咁多年既朋友，我安排曬旅程上所有野有咩所謂，但一個大家都有份既旅程，希望係每個人都會參與其中，樂在其中，而唔係只有我一個去做曬所有野，決定所有野。旅程中幾個人，總有不同既想法同喜好，每人都應該有選擇既自由，所以一人決定幾天行程、食肆地點，其他只作跟隨，其實也算是公道的做法。

日本由舊年10月疫情後開關，加上日圓匯率低水。10個香港人，可能6、7個都會揀日本作為疫後第一個出發的地點。而我們，當然都係一樣，選擇了大阪一星期之旅。

目的地點決定後，為免行程期間出意外，所以會選擇D之前曾去過的地點/行程。當然我知道，有D朋友係可以在旅途上一齊去冒險，那就可以定一D未去過、歷險既行程，就像奪寶奇兵去探險一樣。但有D朋友係抱著吃喝玩樂心態時，選擇D未去過的行程，就好可能只有『奶野』收場。更重要係，朋友太太再次懷孕既消息，要是途中出了甚麼的意外，真係唔知道要如何交代(你當我焦慮好、憂愁好，終之擔憂永遠唔厭太多)，所以唔到我唔承認，旅程係有壓力呢。

正如之前諗法一樣，機票、酒店、行程都由我一手包辦(就係因為咁，一次過將機票訂的日期全訂錯，都講左『奶野』從來不厭多)，仲要係行程中，加插朋友既同事/朋友委託既買野行程，所以好多要去既地方都係舊地重遊。沒關係，反正去過日本咁多次，其實每處既神社、樂園、商場、景點也差不了多少，只要設定好旅程走線，平安由機場出發，平安返回機場，就當責任完成了。

第一次沒有一個真車手陪伴係身邊。車上一個係雪藏牌車手，一個係旅行限定車手，選舉自駕都幾大風險(要知道旅行限定車手，可是只能向前不能向後既人才呢)。但為求方便，依然選擇租車(年紀大真係行唔到咁多了)。由關西機場出發，前往和歌山市(1天)，橫渡和歌山灣來到四國的德島/高松(2天)，再北上神戶(2天)及大阪(3天)，最後返回關西機場。

行程由原來一張紙幾十隻字，變成7頁紙有齊景點地址/電話、酒店、機票、租車保險的資料(去左日本咁多次，車上GPS有幾流大家都應該明白既)。和朋友約定計劃是，大家選擇幾天的日子，由1個人去決定景點要點去，果幾日要食D咩(當然我知又係無人會理我呢)。

第一天：香港 > 日本關西機場 > 和歌山酒店 > 和歌山市夜遊

下午來到關西機場，檢疫、入境、海關和之前東京分別不大。今次更每人自備日本電話卡，一切也沒有難度。反而來到和歌山的東橫INN既酒店，因為酒店停車場滿座了，要在路上尋找其他停車場，又要識別那個場是可以泊車，更要提防四周唔知邊到出來既車同人(其實條街係無咩人無咩車呢)。最後搵到一個左右也停泊左車既停車位，仲要係上次倒後炒車有肩鎖位果一款。估唔到第一天就要考驗這個旅行限定車手既技術。係朋友睇位下左扭右扭(我真係唔知個軚比我扭左幾多野，更加唔知係未真係要扭咁多野)，終於泊入到那個其實都幾大既泊車位。