第二天：和歌山城 > 淡嶋神社 > 紀三井寺 > 徳島(南海フェリー) > 德島酒店
今日行程集中係和歌山一帶，只要揀好時間趕到前往徳島既渡輪，成功到達德島，任務就當完成。
 |  |
和歌山城：
日本名城去過唔少，計有去唔到既小倉城、誤打誤撞去左既高知城、除鞋行到腳痛既松本城、大到無倫既金澤城等。其實個個城對我來講都係差唔多。最頂係天守閣，外面加條護城河，外面再加一個公園而已。但經歷上次松本城一役，其實去D無咩人去，又唔係好出名既，真係好過去咩名城(大圍既名城未係一個好既例子)。無咩人去，上落都輕鬆D；無咩人去，留耐D時間又唔會有人趕你吹你，咁點解仲要去死迫爛迫，唔通厭香港仲唔夠迫咩？
| 〒 | 640-8146和歌山県和歌山市一番丁3 |
| ⏲ | 09:00-17:30 |
| ￥ | 410円/人(入場) |
| ✐ | BEAUTY SALON TEENA |
| 〒 | 640-8145和歌山県和歌山市岡山丁1-5 |
| ☎ | 073-488-9553 |
| |
淡嶋神社：
資料顯示該處有兩萬多個日本娃娃齊集，疑似係一個靈異地點。朋友提及，拍出來相片不要再用PHOTOSHOP之類再執相。其實相比起那年農曆七月十四上筆架山一役，依到真係小兒科，更重要我係色弱㗎！
| 〒 | 640-0103和歌山県和歌山市加太118 |
| ☎ | 073-459-0043 |
| ⏲ | 09:00-17:00 |
| |
紀三井寺：
旅程上做決定其實一D都唔容易。中午12點左右離開淡嶋神社，究竟現在係輕食後去渡輪碼頭乘坐13:40渡輪去德，定係一個豐富午餐後，去埋紀三井寺再去德島呢？早去天未黑行車一定係最安全，但咁早去到德島又有咩做呢(眉山夜遊可以明天再去呢)？為著船上日落(世界邊有咁多巧合，每一步既決定，就注定會發生下一件事)，所以決定都係下一班的渡輪時間。
用左差不多一小時既くら寿司(KURA迴轉壽司)午膳時間，變相我們逗留係紀三井寺就只有半小時。匆忙係門口到此一遊後，其實係完全睇唔到任何日本最大既木造觀音像，當然更冇日本櫻花名所同HELLO KITTY千手觀音御守呢。
| 〒 | 641-0012和歌山市紀三井寺1201 |
| ☎ | 073-444-1002 |
| ⏲ | 08:00-17:00 |
| ￥ | 200円/人(入場) |
| |
和歌山 > 徳島 渡輪(和歌山港複合大樓)：
當大家還在懶懶閒時，車手就要不斷提醒船不會等人既道理。來到渡輪閘口，時間其實還不到15:20，朋友報告渡輪出航時間是16:05，但為何依到一架車輛都冇呢？細看資料，16:05是南海電車到達時間，16:20才是渡輪出航時間。如是者又有更多時間在和歌山港閒遊，就係因為咁，又再次發現，人類永遠都係重覆錯誤既道理。未到渡輪閘口之前，係要先係另一處買飛(上一次真係又係同樣既錯誤，但更早到達渡輪碼頭，才發現GPS給予的資料其實有時都幾老點)。見到人地買飛帶上車簿，旁邊仲有張紙比你填定人數，我當然係人有我有，車簿已經有車輛標示長度，而填表就加齊其他人數車輛資料，比錢攞埋張飛，就真係可以去渡輪閘口排隊了。
| 〒 | 640-8404和歌山市湊2835番1 |
| ☎ | 073-422-2156 |
| |
酒店：德島克萊門特JR酒店
其實，我算係一個鍾意自然風景多於人造景像的人，我可以早上5點出發去睇日出，未到下午5點又可以去海邊吹著海風等日落。但同人出發既旅程，可以做返自己鍾意做既事同機會真係唔會太多。今日選擇16:20出發的渡輪，就可以強迫大家一齊陪我睇日落。當然換來就係下船全黑的夜空。由荒涼的德島港出發，經過多條大街小巷，半小時便到達今晚位於德島駅附近既酒店。
| 〒 | 770-0831徳島市寺島本町西1-61 |
| ☎ | 088-656-3111 |
| |
酒店：JRホテルクレメント徳島
| 〒 | 770-0831 徳島県徳島市寺島本町西1-61 |
| ☎ | 088-656-3111 |
| |
