前言：

為慶祝平成最後一年既日本之旅，今次會係一個不計成本既東京11天之旅。旅程由東京成田機場出發，經千葉縣，乘豪華渡輪(有幾豪華呢？)橫越東京灣，到橫須賀市參觀世界現存最耐既戰鬥艦，再暢遊富士山五湖，觀賞橫濱海傍及六本木夜景，原宿/澀谷鳩嗚，以迪士尼樂園作為旅程既終點。費用已包括昂貴東京德國村、富士急樂園(騙徒手法永遠都係層出不窮！)及迪士尼樂園入場門票。務求令大家在旅程盡興而歸。

帶左銀包我地就出發了！

第一天：

經過咁多次日本自由行經驗，航班依然選擇香港快運。買去程；送回程，香港到東京的來回機票，就只需要約港幣$1500一位，仲有咩可以要求呢？航班出發時間是下午一點，到達日本成田機場已是晚上六點。第一晚我們就唔安排任何既活動。乘坐由機場出發的酒店專車，15分鐘的車程便到達東橫INN成田機場新館。隨便在便利店吃了簡單的晚餐，又渡過了輕鬆愉快的第一天。

香港機場出發。

香港『航空』真的會被清盤嗎？。

好彩又要乘搭地勤接駁巴士。

天上地下的分別‧‧‧

天上的景色永遠比地下更吸引。

東橫INN 成田機場新館：

〒 286-0106 千葉縣成田市取香560
☎ 047-633-1045