第十天：
離開酒店，我們開始驅車前往迪士尼樂園，經過築地市場，再經過豐洲市場(原來揸車2者只係差10分鐘的車程)。
 |  |
迪士尼樂園？
轉眼我們已看到迪士尼的入口。大家討論，現在架車究竟應該如何處理，原計劃是先泊在酒店，再行10多分鐘到新浦安駅乘火車前往舞濱駅，那裡就是迪士尼樂園的入口。
酒店提早泊車需要付特別的費用，而我又希望將手上相機、電話穩定器、腳架及所有相機配件帶在身上，以便將迪士尼最美麗的一刻呈現大家眼前。所以，我們決家先到酒店CHECK-IN，再將架車泊入去迪士尼裡面，所有夜晚要用既野全部放係架車到，咁就可以輕輕鬆鬆玩轉迪士尼。
輕輕鬆鬆？係一個你係東京迪士尼，諗都唔好諗既幻想，係絕對唔會發生既事。12年前第一次來到東京迪士尼，樂園內的擠湧的人流，遊戲長長的人龍，已經令人感到像去了擠迫既市集一樣。
12年後的星期一再來到這裡，只能夠用『奶野』來形容，更擠湧的人流，更長的排隊人龍，更差的服務。
排隊絕對無問題，你話睇SHOW無位，要大爺企都無問題，問題係要點樣企，企係邊都要跟你所謂迪士尼職員規定，仲要吹噓一陣會有好多人，但明明出面已經截左條人龍，咁大爺就情願開場走人算數。而且，明明係有位，人地一家大細抱著個BB，你都係要人企係到，仲要係話位係要留返比VIP客。但都就快開場，VIP客究竟會唔會出現都係問題。而當人地嘈多兩句，你又先比個位人，咁好明顯就係你係有位唔比人，依個仲係唔係應該叫樂園呢？
對於樣樣都講錢的迪士尼，原來現在不只自拍棍不能帶入樂園，連晚上想帶返支腳架入去也不可以。其實都明既，咁多人邊仲有位比你開支腳架呢？但問題係，你唔比我帶入去，就即係要我放係隔來400円既儲物櫃內。港幣28蚊一次本來唔係咩問題？但你唔比我用，仲要我比錢你賺依個就係大問題。諗下而家迪士尼入口出面，四周夜蘭人靜，就隨便搵個花槽位放好支腳架算啦！反正唔見左又唔會傷心既。事實證明日本人真的好有公德心？唔係自己野果然真係唔會攞走呢，定係根本從來無人會留意到，依件咁既野先真呢？
如果東京只能去一個樂園，我會直接推介大家去富士急樂園多於迪士尼樂園1000倍。至少，富士急樂園縱然是人多，但至少沒有人滿之患。
| |
MYSTAYS‧新浦安：
〒 千葉県浦安市明海2-1-4
☎ 047-709-1600
| |
