一人遊廣島：第1天

序：

日本去過好多次，好多地方似乎都好過，但今日再一次既『一人旅』，沒有特別既想法，但睇到香港快運，11月將重開停咗已經幾年廣島直航航班，不如再來一次舊地重遊既廣島旅程，

機票價錢HKD1800左右，已包括7Kg隨身行李。輕裝出發既行程，會以廣島同佢周邊範圍作為目標。接近兩星期12天既行程，計劃由廣島出發，西行去山口縣下關市，東返廣島縣尾道市瀨戶內海單車之旅，穿越福山市，岡山縣岡山市，從倉敷橫渡瀨戶內海，前往四國白香川縣琴平町及大步危風景區，最後返回廣島縣三原市。

行程好似有六、七成既地方已經去過，但今次旅程既定位，會係一個放鬆心情同悠閒既旅程。每天工作面對既人事壓力，已經令人極不愉快，係時候再提醒自己，要放鬆，睇開D，去一次慢活既旅程。

香港快運指定航班位置

依到只會有香港快運、香港航空同大灣區航空同台演出。

第一天：

9點15分出發既香港快運航空航班，只需要3個多小時，便由香港到達廣島機場。第一次係機場，因為PASSPORT既號碼問題畀人攔下來，當刻居然無咩感覺，無心急無煩惱更加無發嬲，係海關位置磨下磨下，最終連海關人員都要出埋手，先攪得掂去改返VISIT JAPAN APP裡面錯咗果個PASSPORT NUMBER，原來都係比平時用多20分鐘左右，一樣成功入到日本境內。

廣島市閒遊：

要買巴士飛前往廣島市中心，記憶中係機場隔離就可以買到。用記憶同感覺，有時比睇指示牌更實用，唔駛10分鐘已經買咗張飛，又好好彩上到第一架巴士最後幾個座位(計劃如果好似上次走咗一班巴士，我一定會係機場食個LONG LUNCH，反正今天只係12日旅程既第一天，急來仲咩呢？)。

無諗過咁快手就來到廣島市，所以今日根本無設定任何行程。一個下午既時間，就係廣島駅同酒店附近行下。漫無目既下，居然就一次過買咗2,000円既POCKY百力滋，今次旅程既零食一定有著落了。無野做最好就梗係去搵野食，食個SUKIYA牛肉飯，再係市內/酒店附近探索行下，一日輕鬆既行程，就探索到往返酒店同車站既多條捷徑。