一人遊廣島：第2天

第二天：

今日行程集中係廣島市內，朝早會先酒店附近既縮景園，之後會去換領果張2日既VISIT HIROSHIMA TOURIST PASS，再去廣島市民球場(MAZDA ZOOM-ZOOMスタジアム広島)。

縮景園：

一座位於市中心既日本庭園，園內既跨虹石橋為日本百大名橋之一。『縮景』之名稱，有說係濃縮中國著名景點西湖之景觀。

諗唔到既係，相機電池居然會係第2日早上既縮景園行程中就瓜柴了，但既然盡咗力去埋BIG CAMERA，都搵唔到2粒啱用既電池作更換。即係由今日開始，要記下旅程既記憶，就要用手中NOKIA電話既相機。以前旅程中好緊張既事，今日居然一啲感覺都冇，影到未影，影唔到咪算，反正無選擇就係最好既選擇。

要去縮景園，首先要諗點過到條河先。

穿過公園。

從來都覺得咁樣先係滑梯。

遠處紅葉。

終於找到條橋可以過河了。

河既對面。

紅葉。

與其搭電鐵，走過去仍然係最快既方法。

相機420mm既效果。

縮景園內。

估唔到由依張相開始，餘下10日都要用電話相機來代勞了。

廣島市民球場(MAZDA ZOOM-ZOOMスタジアム広島)：

返回廣島駅攞咗張VISIT HIROSHIMA TOURIST PASS，就可以係係PASS有效日期內，乘搭廣島市內巴士及全線廣島電鐵。要試一試中國市內既巴士，前往廣島市民球場(MAZDA ZOOM-ZOOMスタジアム広島)，巴士係廣島駅出面就搵到，落車SHOW一SHOW張PASS比司機，唔駛10分鐘，就來到球場門口。但球場內可能只會係球賽時才開放，所以除非對棒球好有興趣，否則只能在精品店內閒遊，都係到此一遊既感覺。

處處差不多，唯獨地下不起眼既渠蓋是獨一無二。

MAZDA ZOOM-ZOOMスタジアム広島。

JR PASS再遇：

既然又返來廣島駅，順便試下點去換取果張5 DAYS JR PASS(廣島＆山口地區鐵路周遊券)，首先去廣島駅TICKET CENTER試下，那裡會有專門招呼外國遊客既專用櫃位。但櫃位專員見到我張JR PASS DOCUMENT上NUMBER水蛇春咁長，就叫我出去售票機對換更快捷。聽話既我當然依足指示，揀咗部可以掃PASSPORT既售票機，用手上張JR PASS DOCUMENT上既QR CODE掃一次，輸入JR PASS開始使用日期，再掃埋PASSPORT，就會收到果張JR PASS TICKET。要預定席，就要用依張JR PASS TICKET去售票機揀位，如果選擇自由席，就直接用張JR PASS TICKET入閘就得。

廣島市閒遊：

因為星期一和平紀念資料館(平和記念資料館)休息，所以明天先會再去那裡。但想唔到今日未到下午12點，已完成今天既節目。漫無目的，就係盡用果張VISIT HIROSHIMA TOURIST PASS既時候，由廣島駅利用電鐵去咗八丁堀同中央通り，行下又望下電鐵可以去到最遠既宮島口駅，同之前未去過既廣島港駅。宮島口駅過明天就會去，咁而家不如去廣島港駅，期望會不會有不一樣既奇遇。

廣島港：

奇遇當然唔會係廣島港駅出現，更加唔會係我身上出現。冷清既車站，冷清既廣場，冷清既港口，就係今天廣島港既寫照。無所事事，就利用僅餘既勇氣，去一間明知佢唔會識中文/英文而我又一定唔會識日文既餐廳，試下會不會賺到一個午餐。原來，係日本要食一個炸豬扒定食，用相機，用電話既GOOGLE TRANSLATE，就係咁簡單。