一人遊廣島：第3天

第三天：

估唔到今日，可以瞓到差不多十點先起身出酒店房間門口。

和平紀念資料館：

前往廣島駅，利用電鐵，好快就來到和平紀念資料館，入場費200円。內裡記錄廣島被原子彈轟炸既一刻，每個人來到那裡，都會有不同既感覺。我呢？會想到廣島被原子彈是誰既錯？是美國襲擊？是日本自己招惹，又想到俄烏戰爭，以巴戰爭，我既結論係，想打既人為何唔自己隻揪，永遠將人民，特別係無辜兒童拉進戰爭。

離開和平紀念資料館，穿越原爆の子の像、平和の灯、原爆死没者追悼平和祈念館，橫過元安橋，就來到今天午餐地點，位於中区大手町既地元密着のお好み横丁，一間集合5間食肆既店舖。

從『慈仙寺の鼻』開始『平和記念公園』之旅。

原爆被災説明板。

昨天經過既『原爆ドーム』。

平和の灯。

広島平和都市記念碑。

絡繹不絕既遊客。

平和記念公園。

係『広島平和記念資料館』外望，感覺係好奇怪好特別。

平和記念公園。

廣島燒：

第2次來廣島，終於試到廣島燒。從來我係無研究過，咩係叫廣島燒，真名叫御好燒(OKONOMI)，都係睇完店舖名稱再GOOGLE TRANSLATE先知道。今天試到既廣島燒，結合小麥粉、豬肉、雞蛋、蕎麥面、蔥、醬料等材料，最重要可以外加廣島燒蠔仲雞蛋，仲要一次加足2份量既燒蠔，都係580円X2既價錢，好幸福既感覺呢！

穿過『元安橋』。

搵到依間『地元密着のお好み横丁』。

接近3000円既廣島燒，加咗2份既燒蠔。

內裡其實分唔清有啲咩？但超好食。

宮島：

飯後既下一站，會係宮島神社。VISIT HIROSHIMA TOURIST PASS係包括前往宮島口駅及前往宮島既JR WEST渡輪。但JR由廣島駅去宮島口駅，只需要搭最多9個車站，便可以去到宮島口駅。但如果坐電鐵，就要差不多40個站先會去到宮島口駅。說好RELAX既旅程，未一個人坐係電鐵上，望下身邊經過既人，當然特別要留意下啲學生妹，點解可以咁早就放學呢？

個多小時，終於來到宮島口駅，記著今天手上攞著叫VISIT HIROSHIMA TOURIST PASS，只適合坐JR WEST既宮島渡輪，即係紅色果架而唔係藍色果架，藍色果架係由松大汽船經營，紅色果架先係由JR WEST經營。而不論有無VISIT HIROSHIMA TOURIST PASS，要上宮島既人類，都要去售票機買張100円既登島稅卷。再連埋VISIT HIROSHIMA TOURIST PASS，就可以上船去宮島了。

上次嚟宮島，記得是一次唔多開心既經歷，今次再來，心情係完全冇感覺，冇唔開心亦冇特別開心既感覺。漫遊宮島神社，探下鹿仔，買下小食，望下學生來FIELD TRIP，吹下海風，我要既旅程就係咁簡單。