一人遊廣島：第5天

第五天：

今日會去下關駅租車一日遊。但經過琴日搭乘JR同新幹線既經驗，原來要轉幾程JR，唔似係東京咁簡單。每轉一次車，閒閒地需要等半個鐘以上，先會有下一班既列車，所以9：00要由新山口駅去到下關駅攞車，似乎唔係一件簡單既事。

下關租車：

唔簡單唔緊要，最重要係計劃無咩改動既空間。晨早7:20係酒店食個靚早餐，就去新山口駅查看新幹線列車時間。其實早一晚我已經知道，8:11、同8:38都有JR新幹線列車前往新下關駅，只係未能預計去到新下關駅後，再轉JR前往下關駅既時間。一切以為在掌握之中下，其實去到下關駅，也差不多已經8:30有多。再搵埋個租車地點，就剛好9:00租到車出發去今日既旅程。

酒店已包括早餐，不算太差，食飽就可以安心上路。

等待JR時‧‧‧

就見到車站另一邊既日出時份。

偶遇到HELLO KITTY新幹線JR。

不過它不在我那一面既路線。

來到新下關駅。

要去下關駅，就要先通過依條電梯。

尋找前往下關駅既JR方向。

唐戶市場：

有咗架車，第一件事，梗係叫自己唔好緊張，萬事小心慢慢來。但第一個景點，就係離下關駅不遠處既『唐戶市場』，攞咗車未夠15分鐘，就要考驗係室內停車場倒後泊車。根據資料，唐戶市場零售只在星期星期五至日，晨早到下午3:00咗右營業。我眼中既『唐戶市場』，以香港CULTURE來講，就係一個WET MARKET。所謂既零售，就係一間間放曬壽司出來賣既店舖。WET MARKET賣即食壽司？未係即係香港旺角街市賣壽司一樣，而且今日可是差不多25、26度既天氣。兜了一圈，一直考慮食物真係安全嗎？今天只是旅程既第5天，之後仲有7天既日子。有時，人生就需要那一剎那既衝動，唔食唔知身體好嘛。200至300円一件壽司，再加上售賣姐姐既推介，2100円既價錢，今天我又食埋第2份既早餐了。

〒 750−0005 山口県下関市唐戸町5−50
☎ 083-231-0001

租車後第一時間就去咗唐戶市場，真係擔心會不會出師未捷呢。

唐戶市場WET MARKET。

人買我買下，要肚痾都係整定。

人坐我又坐，曬著太陽食壽司。

唐戶市場WET MARKET。

毘沙ノ鼻(本州最西端)：

食飽壽司，就來遊車河既旅程。今天會先去本州最西端既『毘沙ノ鼻』，之後會沿路北上，前往聽聞死之前一定要去既『角島大橋』，再去被CNN評為日本36絕色美景既『元乃隅神社』。

毘沙ノ鼻雖則稱為本州之西，今天居然係一處無咩人去既地方，同好多日本景點一樣，有公園、有廁所、有停車場‧‧‧更重要，我又到過日本一處之端了。

〒山口県下関市大字吉母332-1
☎ 083-286-2803

來到毘沙ノ鼻‧‧‧

日本本州最西端既地方。

毘沙ノ鼻。

毘沙ノ鼻

角島大橋：

角島大橋身為死之前一定要去既景點，當然更要到死後未必到去既角島兜返個圈。比多300円，更可以上埋角島燈塔。當然，名副其實唔上就唔知身體好，一上就知道自己年紀不饒人。150級樓梯，再家要遊繩相爬上最後一段，跟住再要行出去燈塔外面。望到已經向外傾斜既地板，再加上今日唔算好大既風，我已經擔心真係會唔會跌埋落去呢！

〒山口県下関市豊北町神田附野2052-12
☎ 083-786-0123

來到角島大橋。

角島大橋。

角島燈塔。

角島燈塔上‧‧‧

同時擔心自己同電話一齊跌落去。

角島燈塔。

依個位係好多人都走上去影角島大橋‧‧‧

當然人去我又去。

角島大橋。

元乃隅神社：

最後一站要去既元乃隅神社，先唔講果123座紅色鳥居，剩係講果條前往既車路，真已經係唔簡單。單程雙向上落山路，仲要原時出現既大型旅遊巴。心裡除了媽聲不斷外，就只有開大車上藍牙播歌當RELAX自己。

〒山口県長門市油谷津黄西津黄17-2
☎ 083-732-2003

元乃隅神社。

尋找如何離開元乃隅神社停車場。

下關市：

行下、停下、再要避下車，去到神社已差不多2:00。再諗到星期五下關市中心，會唔會人多車多呢？所以只能係神社外面兜一圈，就決定起程返去還車。3小時差不多175公里既車程，平安返到市中心，入埋油(1800円)，順利將架車交返比租車公司，係下關駅附近食埋個晚餐，又係時候搭JR再轉新幹線，返去新山口既酒店休息一下。就係咁，我就完成2天既山口縣之旅，一次充實既2天旅程。