第九天：
今日行程，會再一次橫渡瀨戶內海，當然唔駛再用LOCOBIKE單車而係用架真正既車。早上會去2個本州景點，一個係之前去過既鬼ノ城，一個係之前想去但去唔到既岡山後樂園。
 |  |
鬼ノ城：
鬼ノ城，8年前去過一次，但那次駕駛旁邊有人領航，今次全部要食自己，而且穿過砂川公園後，會有一段單線雙程行車上山路段，即係又係日本經常出現無啦啦殺出架對頭車情況，有時要避車，有時甚至要倒車，但係人都知，我架既車係唔可以倒後呢！難歸難，要做既就要相信自己可以做到，因為買咗SUPER SAFE PLAN嘛。
上次來鬼ノ城，只係西門行咗一陣就當到此一遊。今次時間充足，就可以圍城一周(其實係行錯路，局著要行曬成個行程先返到西門入口先真)。由西門出發，經北門遺址、東門遺址、南門遺址，再返回起點，差不多1小時既行程。
〒 岡山県総社市黒尾1101-2
☎ 086-699-8566
| |
砂川公園：
砂川公園，係前往鬼ノ城必經之路。因為鬼ノ城位於山上，而砂川公園就位於山下。8年前經過砂川公園，其實只係一個公園。今天經過，已經係紅葉開始既時候了。
| |
岡山後樂園：
離開鬼ノ城，考慮是否要去岡山既後樂園。8年前因為太遲去到既關係，只能望門輕嘆。估計後樂園應該像縮景園般既日式庭園。但如果今次唔去，仲會唔會有下一個8年真係冇人會知道，既然都係1個小時咗右既車程，今晚最多遲d先再去酒店。
正如之前估計一樣，後樂園就係一個日式庭園景點。景觀係靚既，但就真係同縮景園或四國既栗林公園差不多，但坐係一個咁靚既庭園到，食個雪糕同食包薯片，其實都係一種享受。
〒 703-8257岡山市北區後樂園1-5
☎ 086-272-1148
| |
五色台：
下一個景點，終於來到要橫越瀬戶內海，前往香川縣高松市既五色台。揸車以GPS定位時，一直以為五色台就係四國最北端，所以不斷係路上，尋找那四國の北既石碑。當然石碑係唔會比我搵到既呢，因為五色台附近就只有瀬戸内海歴史民俗資料館，同睇日落既展望台。
〒 香川県高松市亀水町1412-2(瀬戸内海歴史民俗資料館)
☎ 087-881-4707
| |
夜行司機：
而就係因為自己柒咗，更加因為為咗等埋日落既關係，所以前往酒店路上，真係由天光行到天黑。開始入黑既高松市，亦代表係車多放工既時間。對於一個『永遠都係發展中』既司機來講，風險亦係大大提高既時間，咁就不如去咗MC DONALD，食個晚餐再去酒店。日本既MC DONALD，應該食個幾次了。但今次叫既BIG MAC套餐，薯條係普通版唔加大既情況下，點解仲大個香港加大版個薯條呢？
食飽後，路上車真係少咗好多，由MC DONALD去酒店就只有果10公里咗右路程。但晚上要搵酒店就真唔係一件易事。係小小既車箱内，望著外面酒店個牌，真係係面前MISS咗都唔會知。但唔緊要，酒店附近有間LAWSON，可以停車望清楚酒店實施位置。但因為太夜先來到酒店，酒店正常停車位沒有了，咁未人泊我泊，打橫泊係酒店門口，原來依個真係酒店公認既處理手法之一。
| |
酒店：琴平パークホテル
〒 766-0004 香川県仲多度郡琴平町榎井706-7
☎ 087-773-3939
| |
