一人遊廣島：第7天

第七天：

由計劃今次旅程既第一天，就講好今日要去租單車。根據琴日實際觀察，尾道單車鋪最早要9:00先會營業。要不等到9:00，先係尾道/向島租單車。要不7:40或09:15，有渡輪由尾道站前碼頭(尾道駅前桟橋)前往瀬戸田港，再係瀬戸田市民会館内所租單車。

前往瀬戸田港：

既然係我既一人旅，當然就由今天幾點起床再作決定。現實係我揀咗7:40既渡輪，先去瀬戸田港，再係未開門既しおまち商店街行一陣，同附近便利店食個三文治早餐，最重要係要買支太陽油，之後行到差不多時間再租單車。

估唔到可以為咗今日單車遊‧‧‧

可以晨咁早起到身。

咸水既威力。

沿海旁前往尾道駅前桟橋。

寧靜既早上，20分鐘咗右就來到尾道駅。

尾道駅街道。

日出了。

售票機沒有前往瀬戸田港既飛出賣。

沒有人提你，差不多時間，走出去桟橋上船。

這隻就係今日去瀬戸田港既渡輪，有啲細隻。

出發去瀬戸田港，一陣就會沿𠵱條因島大橋返來。

來到瀬戸田港。

隻渡輪就係咁大隻。

瀬戸田港。

しおまち商店街‧‧‧

但9點前連店舖都未開門。

しおまち商店街。

前往法然寺小路。

しおまち商店街。

單車旅程：

一直都有考慮究竟要租邊類型單車，4000円有電動輔助單車，3000円有城市/公路單車。其實唔係果1000円既考慮，而係講明係來踩單車，無可能要架半自動單車㗎？而且，既然係國家級單車路線，條路無可能唔係BYCYCLE FRIENDLY，最多係上橋會有斜路之外，市中心大部分應該都係平地。

係瀬戸田市民会館用手提電話填好FORM，就可以租到單車，但就係因為上述既考慮，我揀咗架3000円有城市單車。所謂既城市單車，其實未係香港單車徑經常出現既LOCOBYTE，特點係三段轉波，車軚26-28寸咗右，車身重，SEAT位唔係好教到，但起動容易。而就我就係要用依架單車，用來踩足42公里既國家級單車單車旅程。

以香港來計，42公里就係差不多由沙田來回大尾篤。但要用依架LOCOBIKE類型既單車，市內平地街道都仲可以，上少少斜就唔好意思麻煩要落地推車，仲要爬上3條90米高既瀬戸內海大橋，今天要做既就唔係一件簡單既事，或者應該叫係一件『柒街瞓』既行為。其實我係咪應該租架公路單車或者電動輔助單車呢？

而家講咩都冇用，旅程依然係要繼續。由瀬戸田市民会館先去多多羅大橋(多々羅大橋)，之後返回生口島，沿路上指示經生口橋前往因島，經過一段上斜推車路段來到因島大橋，穿越因島以尾道市民中心(尾道市民センターむかいしま)作為終點。