第六天：
早上收拾行李，準備旅程既第2次大遷徙，出發去尾道既瀨戶內海之旅。行程第1日，預計會係尾道市街一帶熟習一下環境，再前往千光寺、貓之細道。第二日會租架單車，試一試果條國家級既瀨戶內海單車旅程。
 |  |
天神川：
計劃還計劃，現實還現實。本來諗住早啲去到尾道酒店放低行李計劃，居然比一個特別手信任務打亂了。手信要求很簡單，DISNEYLAND既STELLALOU。日本有DISNEYLAND，但我今次係去咗中國地區，唔係東京都。係GOOGLE MAP掃一下周邊，最近廣島市就有一間DISNEY STORE，不過係位於天神川。天神川，唔係天神村，所以要係廣島市再專JR前往天神川駅，再行15分鐘，便到達AEON MALL HIRSOSHIMA FUCHU(イオンモール広島府中)。當然咁出名受歡迎既DISNEYLAND人物，絕對唔會比你咁容易係DISNEY STORE買到，否則仲邊有人入去迪士尼玩呀！
| |
三原駅：
別過天神川，返去廣島駅轉新幹線前往三原駅。今天是星期六，西口出面既隆景廣場就有市民表演大會，難得遇上我可是不會錯過既，亦因為依個原因，我仲食埋今次旅程既第1次廣島燒蠔。一人旅，永遠就係心情決定一切。
| |
尾道市：
轉山陽JR去到尾道，已經差不多4:00，可以直接前往酒店CHECK IN，順便可以視察下明天可以係邊到租到單車。酒店離車站有點距離，約要步行20分鐘。但根據實際現場測試，只要沿著尾道市街行到尾，再穿過一兩條細街，便是酒店門口。
這間酒店特別之處，除咗係係尾道市街行到尾外，外觀更似一間隱藏於民居之中既民宿。由上BOOKING.COM訂房、收錢、入住、溝通、自己鋪床，全程係唔需要見過民宿主人本尊，但你入住又唔會有咩問題既一間民宿。更特別係房間內外都係有啲18禁既兒童不宜裝飾，絕對係一間幾有意思既民宿。
| |
尾道閒遊：
酒店最近既一個景點，就係行都唔駛5分鐘既尾道電影資料館(おのみち映画資料館)。趁17:30資料館關門前，就CHECK IN後前往依個我來尾道其中一個要來既景點。上次來尾道，我係錯過了一個指定既尾道千光寺夜景，今次再來，現在仲要係接近黃昏時間，檢視由電影資料館，前往千光寺纜車站，只需要8分鐘距離，鳩衝去纜車站標個尾會，16:30纜車上去，17:15最後一班纜車下來，雖然只係果45分鐘唔到既時間睇埋過日落加夜景，之後仲要行埋個我最想去既尾道市街，我覺得尾道係一個中國地區最值得來既地方。
入夜後既尾道街上，開始無咩人(其實日間都唔見多人得去邊)，但尋找晚餐又似乎無咩大難度。今晚是一個簡單既拉麵加炒飯，在有啲寒風又黑鼆鼆既尾道街上，經過今日由山口到廣島，再由廣島到尾道既路程，搵到間酒店，去埋尾道3個景點，此餐就係一個今天勞累後既獎勵。
| |
酒店：遊廓荘
〒 722-0045 広島県尾道市久保2丁目17-1 2階
☎ 080-3056-9704
| |
