序：
從來，一個人既旅程，總會比人覺得係一個孤獨精。今日孤獨精又要出發去自己既旅程。放低工作，放低朋友/家人，放低城市一切，最重要係放飛自己，尋找屬於自己既空間。『I AM ALONE, BUT NOT LONELY』。
 |  |
計劃假期：
假期定係十一月中後兩星期既假期，一個由四月已申請既假期，原因當然不言而喻。上次一個人孤獨既旅程，已經係2005年事情了。18年後，年紀當然大了，體力也不似以前，13日既行程，最擔心已經唔係孤獨既考慮，而係體力係未仲可以應付那件行李重量，以及由朝行到晚既行程，當然，仲有一個為自己準備左考試。
円平到HKD5.2對100円真係無辦法，行程無可能唔揀日本。13日集中係東京市內或近郊，預算洗費HKD20K-25K左右(精算後整個旅程我用左HK17K)。
| |
第一天：
航班出發時間係中午，朝早仲可以食埋早餐先出機場，但係去到機場，仲可以食左個成舊水既午餐先肯上飛機。差不多4小時航程，眨眼又來到日本既成田國際機場。
好少傍晚先會去到日本，所以今次第一次體驗到，最長一次入境日本等待時間(當然仍未能打破果次新加坡入境接近兩小時既記錄呢！)，差不多1小時時間，終於成功踏入日本國土。
| |
WELCOME SUICA：
就係因為等左成個鐘既關係，入境後要做既TO DO LIST，即係要買『WELCOME SUICA』既事，居然忘記得一乾而淨。一出機場就鳩衝左去京城電鐵票務處換飛，到上左SKYLINER安定下來時，先諗起張『WELCOME SUICA』呢？但之前收集資料，『WELCOME SUICA』只可係機場(成田或羽田)買到，咁而家擔心似乎都係無補於事，就先安安靜靜去到『上野駅』再算。
由『上野駅』去今晚既『アパホテル(秋葉原駅北)』酒店，行就要20分鐘左右，轉JR山手線就搭5分鐘再行9分鐘。諗到JR係方便，但又要係車站攞著件行李上上落落，似乎行去更加有著數，亦因為依個原因，經過了上野最繁忙地點，即係明天將會去既『阿美橫丁』及周邊。
放低行李，就係酒店附近搜尋一下有咩好食。雖然酒店離秋葉原要行成10分鐘，但酒店附近都有松屋、幾間拉麵店。夜已深今晚就食著松屋先，同自己講好，今趟旅程，要盡量唔好食同一間既食店(一個人無可能要難為自己)。
| |
初遊秋葉原：
食飽當然係秋葉原附近行下先，果然好多動漫、模型、CAFE、古著店舖。旅程前曾有人問我，秋葉原真係可以行到足足2日？而家我明白到，如果依類人跟埋係旅程上，就一定唔可以行到2日，因為行程一早已經被人BAN走左了。
臨瞓前，望左『WELCOME SUICA』以外既後備方案。外國遊客專用既『PASMO PASSPORT』，可以係地鐵『上野駅』買到，反正聽日就會去上野既『阿美橫丁』，咁有咩就聽日再算。
| |
酒店：アパホテル 秋葉原駅北 (APA Hotel Akihabara Ekikita)
〒 110-0016 東京都台東区台東1-29-2
☎ 057-002-6911
| |
