一人遊東京：第4天

第四天：

今日係轉酒店既日子，第一次考驗攞著行李，經東京地鐵/JR網絡左轉右轉，咁就去到旅程既第二間酒店，位於新宿駅附近既WPU HOTEL。一間可以用全英文CHECK IN既酒店。一直被灌輸既觀念，繁忙時間既日本地鐵/JR，一定擠迫到痴線，但人係多，但真係未去到迫到痴線既地步。亦因為有準備既關係，八點我已經係WPU HOTEL放低左件行李，準備去新宿駅換飛向高尾山出發。

一早出發轉酒店‧‧‧

由地鐵轉JR山手線，就去到新宿駅。

新宿駅大到一個黠，行行下連酒店位置都唔知去左邊呢？

京王線/井の頭京王線一日乘車券：

KLOOK買果張京王線/井の頭京王線一日乘車券(含高尾山纜車或吊椅套票)，需要先係京王新宿中部地區旅遊諮詢處換飛，跟著GOOGLE MAP地圖，係車站裡走來走去，但行左20分鐘，都依然未搵到個旅遊諮詢處(室內既GOOGLE MAP，其實唔係好幫到手) 。最終搵到但都唔需要高興，旅遊諮詢處開門時間為11:00。明顯就同官方網站上寫既8:00不一樣(網上世界從來都不可信呢)。

天才會問，點解唔預早去新宿旅遊諮詢處換定飛。但本來計劃，今日先會係新宿出現，預早來換定飛，又要時間，交通費仲分分鐘仲貴過張飛。咁不如改一改行程，將高尾山行程改遲一日，未可以唔駛嘥左張京王線/井の頭京王線一日乘車券。但留係新宿就只有兩晚，而明天又已經係KLOOK買左六本木ヒルズ觀景台飛，仲要係傍晚5點，能不能由高尾山返來都係一個問題，名副其實成也KLOOK，敗也KLOOK。

高尾山：

望下由『新宿駅』到『高尾山口駅』，票價只係430円單程。而家一係等到11:00旅遊諮詢處開門再換飛，一係就放棄KLOOK張飛，依照計劃自費去高尾山。一個人好處又出現，唔駛諗唔駛討論，錢解決到既問題就唔係問題，係車站售票機買左車飛，高尾山紅葉我來了。

早上由新宿駅開出既京王線列車，人流絕不可以睇少，上車落車既人已經迫滿成個月台，望下月台展示牌，一架特急去『船橋駅』，一架各站停車去『高尾山口駅』。經驗加天才話比我知(就怪那年福岡駅去門司港駅坐左2個鐘覺都瞓醒兩轉但都未去到門司港既經驗)，老鳳都坐特急列車，之後發生咩事先再諗辦法。

列車出發後，車上顯示牌列出會停站既資料，特急列車只停幾個大站。而要去既高尾山口駅，就可以係『調布駅』轉車。基本資料有齊，又係時候係列車上，小休一下。

要上高尾山，可以行上去(依個係我事後先知既事情)，可以坐吊椅，可以坐纜車，三揀一之下，老人家就梗係揀纜車啦。高尾山係一個幾值得去既地方，上去行3號線，落來走4號線，睇下寺院，睇下紅葉，咁又過左一個朝早。

跳上特急列車，前往京王八王子駅。

430円單程都幾抵。

高尾山駅出面紅葉。

高尾山地圖。

上山纜車及吊椅車站。

高尾山駅出面紅葉。

高尾山駅外。

上山纜車。

高尾山行山。

高尾山紅葉。

高尾山行山。

高尾山紅葉。

高尾山行山。

高尾山紅葉。

高尾山行山。

高尾山紅葉。

高尾山行山。

指示牌，又距離山頂近左一步。

高尾山紅葉。

高尾山行山。

高尾山紅葉。

來到山頂。

山頂紅葉。

沿4號路線下山。

只要願意放下‧‧‧

就會看見。

連禰豆子都有。

又回到高尾山駅。

高尾山紅葉。

井の頭恩賜公園：

中午坐返京王線去『明大前駅』，轉井の頭線列車，就可以去『吉祥寺駅』。但估唔到，係轉車處居然係閘內就有間PEPPER LUNCH係面前，唔駛出閘又有飯食，正呀！

秋天來到井の頭恩賜公園，當然都係為左睇紅葉(但無亦都無辦法)。計劃係唔會去『三鷹の森ジブリ美術館』，但見時間尚早，公園又無咩紅葉，未諗著去碰下運氣，睇下會唔會望到天空之城既ロボット兵。今日運氣真係好到一個點，美術館正在維護中，星期六請早。

餓死寶寶，幸好閘內就有飯食。

PEPPER LUNCH。

前往井の頭恩賜公園。

井の頭恩賜公園內。

尋找『三鷹の森ジブリ美術館』位置。

三鷹の森ジブリ美術館外。

井の頭恩賜公園內。

吉祥寺駅外商店街。

轉眼又是日落‧‧‧

又是回去既時間。

夜遊新宿：

順便行下吉祥寺附近既商店街，之後返『新宿駅』。先去京王新宿中部地區旅遊諮詢處，換左張『買左又用唔到』既京王線/井の頭京王線一日乘車券，再係地鐵新宿駅換埋張地鐵24小時券。要換張地鐵24小時券，就要先係地鐵新宿駅，搵到部灰色既售票機，再係屏幕上面，搵到個唔多起眼好細既QR CODE，你先可以換到張飛。但我亦發現，東京地鐵係有分一般地鐵同都營地鐵，而依張飛就只能乘坐一般地鐵，但我來緊幾日既行程/景點，好多都係都營地鐵範圍內呢！

新宿貴為東京最繁華既地點之一，人多車多都係意料之內，但某程度都真係就係繁華得滯，亦同今日去既高尾山有著好大既對比。我只想有一個靜靜地同舒服既假期，幸好都只係係新宿留兩日。