第九天：
最後一日留係泉岳寺酒店，原來計劃係去日比谷公園睇紅葉，但之後又可以做的咩呢我居然完全諗唔到。咁不如就來一個橫濱短TRIP，搵到KLOOK既資料，有一日東急線加港未來線全日飛任搭，問題係要係『涉谷駅』攞飛。
 |  |
泉岳寺：
預計今日係橫檳有充裕既時間，所以一早係酒店食埋早餐，仲可以去泉岳寺兜過圈，先出發去橫檳。唔係住左4晚泉岳寺，都唔知泉岳寺係一座擁有幾百年歷史既寺院。
| |
GUNDUM FACTORY：
從GOOGLE MAP資料，泉岳寺就有京急線列車，30分鐘就可以去到橫濱。今日仲要好好彩搭到一架特急列車，25分鐘唔夠，就來到『橫濱駅』，再轉港未來線前往『元町･中華街駅』。
來得橫濱，當然係要睇下時間限定既『GUNDUM FACTORY』。一個『識郁』既高達，對於高達迷來講，居然要擺出個CHOK樣係未需要呢？而對於我，佢只係一個用電來整郁既藍白色OBJECT。『GUNDUM FACTORY』內，當然仲有『GUNDUM BASE』賣模型同展覽館，介紹依個『識郁』高達既建築物資料，依個我覺得比『識郁』既GUNDUM更吸引，始終實際既野最適合我。
| |
橫濱塔：
唔知係第二次定第三次來橫濱，但橫濱塔都係第一次上去，由高位望返去『GUNDUM FACTORY』，加埋個橫濱港既景色，1,000円既入場費，經濟實惠。
| |
中華街：
一直諗緊午餐要食咩，來到橫濱當然試下中華街既中式食品。2,000円、3,000円就有任食放題。但唔知點解，一見到中華呢兩個字，『騙局』兩字感覺就浮現在腦中。隨便係小店舖頭，買左的外賣小食，係條街食完就繼續橫濱旅程，包括『横浜港大さん橋国際客船ターミナル』及『横浜赤レンガ倉庫』。
黃昏時份，慢慢行返去『橫濱駅』，不斷反覆諗緊晚餐，究竟係去『品川駅』食飯，定係泉岳寺酒店附近食個快餐呢？『品川駅』附近，選擇似乎比較多，但行返酒店就要行15分鐘路程。酒店附近食，食飽就可以即刻返酒店沖涼瞓覺。
對於一個懶鬼同行左9日既人，現實永遠係最實際。係酒店轉角位，食左個拉麵再加便利店雪糕，再浸過酒店大浴場既人工溫泉，四天既東京市內又差不多完結，明天就係兩日迪士尼樂園之旅。
| |
酒店：アパホテル 品川泉岳寺駅前 (APA Hotel Shinagawa Sengakuji Eki-Mae)
〒 108-0074 東京都港区高輪2-16-30
☎ 035-475-6801
| |
