第十二天：
今日我為自己準備左一次旅程既考試，係無人陪既情況下，究竟我舞唔舞得掂租返來既NISSIAN ROOX呢？
 |  |
一日租車計劃：
按計劃一早由酒店行返『新浦安駅』，搭千葉線係『千葉港駅』再轉單軌電車，目的地係『榮町駅』，行5分鐘就到達『日産レンタカー 千葉駅前店』。一輪租車驗車程序，就開始今日HK500既一日租車之旅。
之前已經睇定今日有車要去邊度，今次既然係紅葉之旅。而家當然係去只有車才能去到既紅葉景點。
| |
全自然公園：
第一個，係距離『千葉駅』500米既千葉公園，但係公園停車場望下周圍，好似無咩紅葉，咁就不如盡早出發去下一個點。其實今次雖然聲稱係紅葉之旅，但到而家為止，真係唔算見到咩震撼既紅葉。當然，柳暗花明未就係又一村。向著第二個點『全自然公園』出發，資料顯示紅葉係『70-80%見頃』狀態，反正而家有車，只要有路就咩地方都可以去到。
全自然公園，睇個名就知有好吸引，因為我一直都叫佢做全知賢公園。一小時既車程，我就去左今次紅葉之旅，最靚紅葉既地方，如果唔係要去德國村，相信我唔止會係依到只留一個鐘咁少。前往德國村途中，居然比我見到壽司郎，仲要係唔駛兜路，直行轉彎就到果隻，注定今個旅程，點都要食一餐壽司郎。
食飽原來已經差不多2點，今日日落約4:30，似乎都係時候，準備今次租車既重點行程‧德國村。
| |
東京德國村：
比起迪士尼，德國村吸引到我既係一個近乎全室外既環境，可能就係一種天人合一既感覺，唔會太多堆砌，唔會太多假扮。係德國村RELAX既感覺，係唔會係迪士尼裡面搵到，或者德國村既行程，適合我依類老人家多的。由3點行到4點，依上次經驗，走山丘觀景台，準備燈祭亮起既一刻。除左用『正』同『靚』來形容，真係諗唔到更好既形容詞去形容此刻心情。
秋冬時間，六點左右天已近乎全黑，為左安全，也因為租車公司會在八點關門，阻人收工就如殺人父母，而且收工時間必然塞車，決定早的離開返回租車公司。
還車前要入油是常識，設定目的地為租車公司最近既油站，沿高速公路好快就到達『蘇我』出口。進入市中心塞車都係意料之內。塞下塞下好快就到達油站，入滿油就行多10分鐘，再用10分鐘搵返間租車公司係邊到，終於無撞無爛，將架ROOX平安交返比間租車公司。
| |
賽後檢討：
今次無人做副駕，整體上我都覺得自己都叫可以HANDLE到架車。日本揸車，基本上大家都好有禮貌，我既壓力，某程度上來自我自己多於其他。但咁多次既學習，我學識既不要貪快，同埋唔好咁信車上既GPS。今次既考試，無撞無爛交返到架ROOX比租車公司，成績都叫合格。至少唔使再比果100,000円(物價騰貴，以前只需要70,000円呢)！
| |
千葉市：
由租車公司前往酒店，只需要15分鐘路程，途中經過千葉市最繁華既地方，順便感受下，一個寧靜城市裡面，平淡但舒服既聖誕節氣氛。
晚餐我揀左BURGER KING 1,200円既套餐，比左錢坐係到等餐既時候，我就知又『奶野』。平貴都唔係問題，之前係MC DONALD買一個巨無霸都只係500円，1000円一個既BURGER KING包會有咩結果，未就係等於2個有多既巨無霸SIZE。好耐無食過咁飽既晚餐，亦係旅程最後一個既晚餐。
| |
酒店：アパホテル 千葉駅前 (APA Hotel Chiba Ekimae)
〒 260-0045 千葉県千葉市中央区弁天1-18-5
☎ 043-253-9911
| |
