一人遊東京：第5天

第五天：

今日行程主要集中新宿、原宿及涉谷一帶，係酒店食左個輕盈早餐(2個牛角酥加1杯橙汁)，行左陣早上既『思出横丁』，就出發去新宿御苑，尋找期待的紅葉。

早上新宿。

當年跟團食拉麵既『思出横丁』，居然仲係到。

思出横丁內。

地上搵到新宿地標分佈圖。

新宿御苑：

御苑內紅葉就唔係好多，反而最多係展覽中出現既菊花。出入口明明有3個，一個係入來既新宿入口，一個係本要離開既千馱谷出口，但唔知邊個天才，要係出口前面攪工程封左條路，但又唔話比你知ALTERNATIVE EXIT，咁未即係焗住叫我兜左個大圈，由另一個大木戶門出口，再行返去原來出口既千馱谷駅。如是者又浪費左20分鐘係條街到。本來10分鐘可以由千馱谷出口去到既『明治神宮御苑』，足足行左半個鐘，為的當然係『明治神宮御苑』，隔來既『代々木公園』紅葉。

太早來了，御苑卻要9點後才開門。

新宿御苑內。

明治神宮御苑/代々木公園

而家『明治神宮御苑』及『代々木公園』既紅葉，似乎就係天氣不似預期，幾個景點內，都係綠葉/落葉多於紅葉。

明治神宮御苑內‧‧‧

再猛太陽都唔怕。

明治神宮御苑內。

我要去原宿方向。

明治神宮御苑內。

御苑出去，再行5分鐘就係代々木公園。

代々木公園內。

11月開放時間係朝5晚5。

代々木公園內。

CAT CAFE MOCHA：

諗住係原宿、涉谷行一陣，但對於一個無野買，無野想買既人，留係原宿同涉谷，其實都係漫無目的消磨時間，最重要係而家已經體力下降中，諗緊係未返酒店抖下先，傍晚再出動去六本木ヒルズ觀景台。就係到左諗右諗，左扭右扭，係『涉谷駅』見到有人派紙巾(但居然無去攞著數)，就去左紙巾介紹既一間貓CAFE。

動物從來都係治癒人類心靈最好既方法，個零鐘留係貓CAFE，掉低重重既背囊(部相機真係好令重)，陪貓貓玩下，本來好累既身體，又重新注滿動力。係涉谷食埋個『元祖壽司』(唔知邊個話，唔食重複既店舖呢？)，就直接搭地鐵前往六本木ヒルズ觀景台。

漫無目的‧‧‧

由原宿行到涉谷‧‧‧

涉谷慢遊中。

涉谷搵到迪士尼既STORE。

CAT CAFE叉電中。

TOKYO CITY VIEW：

六本木ヒルズ觀景台叫TOKYO CITY VIEW，之前已經同朋友去過一次，今次算係舊地重遊。但係一切已經改變，以前係可以上52樓室內觀景台同樓上一個無玻璃阻隔既室外觀景台，而家就只能係室內觀景台睇夜景。同香港SKY100一樣，觀景台一邊已被餐廳霸佔，一邊就唔知點解只能進出入一次(東京鐵塔方向)，一邊就係排隊去精品店鋪位置，當然，最重要仲有一邊就係北斗之拳展覽館(明明我係上來睇夜景，你攪咩北斗之拳呢？)。16:45進入觀景台，17:30未夠我已經重新出現係六本木既街上。你應該都知，TOKYO CITY VIEW係幾值得去既景點呢！