一人遊東京：第3天

第三天：

有左張『PASMO』，就當然要用下佢。係日本搭咩車都好，只要結合手提電話上既GOOGLE MAP，就近乎天下無敵。但GOOGLE MAP提你但自己唔醒目，就會去到同一個地鐵站但入錯既月台位置，而月台與月台之間仲要唔係共通。即係你要先出閘，上返樓梯去地面，再過馬路去對面，落返月台再入閘再上地鐵。恭喜曬，今日又可以消耗多幾個JOULES既CALORIES了。

我同阿寶最大既敵人就係樓梯。

淺草寺：

淺草寺貴為東京都內歷史最悠久既寺院，就算係平日，都一定係早去有著數，至少會無咁多人。否則遲左去，就真係除左見到人頭之外，都淨係見到人頭。

淺草寺雷門。

前面就係商店街。

前面係雷門，後面卻係風雷神門。

仲見世商店街。

淺草寺小舟町。

淺草寺。

平和の時計。

又返到商店街。

仲見世商店街。

今日好彩地求左張吉籤。

淺草花屋敷：

寺院從來都唔係我杯茶，但淺草既然係有一個最悠久既寺院，某程度上亦會有一個好悠久既生活圈。舊商店街、舊舖、綠茶CREAM麵包鋪、鰻魚飯團舖、芝士蛋糕舖，我好混亂呀，今日既早餐要食咩好呢？

搵到依個景點，就係因為佢係淺草寺附近。附近既意思，即係由淺草寺行去都唔駛5分鐘，就有一座日本最古老的遊樂園‧昭和年代已出現既淺草花屋敷。雲霄飛車已有60年以上歷史，最高時速就只有42Km/h，剩係聽依個名同CONFIGURATION已經要去睇下。入場費1,200円一D都唔過份，但估唔到係居然未到10點開門時間，已經有一堆家長加小朋友係門口排隊，今日就唔好同小朋友爭玩具玩，但依個會係下一次再來東京既必去景點。

淺草寺附近‧‧‧

隨便都搵到有野食既地方。

今日係芋頭蛋糕做早餐。

下一站既晴空塔，似乎都幾近。

淺草寺旁邊既伝法院通。

伝法院通店舖。

奥山おまいりまち店舖。

轉個圈，又返來淺草寺。

淺草寺另一邊既西參道。

浅草花月堂本店，又到開餐時間。

淺草花屋敷，未開門已經有人排隊。

西參道。

好似仲未飽，又食左2個鰻魚包。

賣鰻魚包既がじゅまる。

晴空塔：

由淺草寺行下就會去到淺草駅，望到成座晴空塔就係前面不遠處，乘坐都營地鐵由『淺草駅』去『押上駅』要13分鐘，行過去就要23分鐘。諗著行過去但烈日當空，就真係唔係10分鐘既分別，早知就‧‧‧如果世界有早知的話‧‧‧

唔選擇係KLOOK買定飛去晴空塔就知一定機會『奶野』收場，但買定飛又要先預定時間又係另一個問題。去到諗著見有得排隊買飛，排隊半個鐘都合理。點知原來排隊買飛都係買預售14:30既飛，但而家先係11:30，咁未即係要呆等3個鐘唔知係到仲咩？

感覺唔多對路都係走人時，職員又話係可以買到即場飛(但佢都係講緊既飛，其實都係12:30既飛)，一輪雞同鴨講(其實大家都係到講緊英文)仲要爆埋SEED。其實佢講緊既12:30既飛只限『天望甲板』，而14:30既飛，係包括『天望迴廊』及『天望甲板』。

我唔介意因為自己無定買飛，所以入唔到去晴空塔。但如果現場賣飛都係預售，就應該排隊之前講明，係預售3個鐘之後既飛。而唔係排左半個鐘，到埋到去先話比你知係要預售。當然，你可以係賣左張，但要排3個鐘隊，先上到去都吹你唔脹。但問題又係，原來只要有要求，你買左張14:30既飛，職員之間溝通後，又會比你入場，咁排隊未即係賣緊即場飛啦，咁仲咩要MARK個時間係張飛到呢(職員解釋係有人想買左飛之後行下再入去。天才，如果果個人想即時入去呢？)，而個時間又唔係寫BEFORE 14:30，名副其實超ON9勁攪笑！

上得到晴空塔終於明白，點解職員一直講既12:30『天望甲板』，多於我堅持買既14:30『天望迴廊』及『天望甲板』既飛。天望迴廊原來除左高果幾層同張飛貴D之外，真係無咩野值得去睇。都係果句，如果世界有早知的話‧‧‧