一人遊東京：第8天

第八日

來泉岳寺第三日，今日旅程會集中東京，可以睇到紅葉既地點。

繼續豐富既早餐。

駒沢公園：

根據噚晚搵到既資料，第一個會去既係駒沢公園。由泉岳寺出發，為左可以用到張地鐵24小時飛，經都營淺草線、都營捷運大江戶線、地鐵半藏門線，再行半個鐘，就來到駒沢公園東口。但紅葉呢？但花左成個鐘既車程，無紅葉點都要行下先走。

駒沢公園全名叫駒沢奧林匹克公園總合運動場，為1964年夏季奧林匹克運動會場，場內包括陸上競技場、兩個球技場、體育館、棒球場、網球場、射箭場等設施。剩係見上面設施都知個公園會有幾大。

急行列車不停駒沢大學駅，就要係三軒茶屋駅轉車。

駒沢公園內。

KOMAZAWA原來就係駒沢既英文。

駒沢公園內銀杏。

公園大到一個點。

入口就係出口。

飛鳥山公園：

前往第二個景點，為左紅葉我係絕對唔會咁易放棄。位於地鐵『王子駅』附近既飛鳥山公園。聽個名都已經知道勁，有王子仲有飛鳥，公園今年仲會慶祝開園150年。11月11號到19號仲要有紅葉祭。但與我期望搵到睇到既紅葉，就似乎有點落差。或者，今年既紅葉，係未已經去到水尾呢？

用左張地鐵24小時飛，所以要來到涉谷駅落車再上車。

王子駅外。

東京市唯一同行緊地上電車，都電荒川線。

王子飛鳥山公園地圖。

公園就係車站隔來。

王子飛鳥山公園地圖。

公園內既紅葉。

公園內既電車模型。

真係有150年歷史既公園。

公園內既紅葉。

樓梯位就影到列車埋站，就知公園離車站有幾近。

原來依張地圖周街都係。

迴轉壽司：

無紅葉，未又走左去飲飲食食，本著唔會再去相同既店舖既理念，今日午餐就揀左『王子駅』附近，一間平民既迴轉壽司。其實唔知邊到來既勇氣，明知店舖人員唔會點我既英文，而我又一定唔會識佢講既日文，居然仲咁膽粗粗衝入去，一個人就係無敵，至少衰左柒左都唔會有人知。1,400円就餵飽自己既迴轉壽司，計返都只係HKD80都唔駛既價錢，唔來日本唔通真係留係香港咩？

都電荒川線‧‧‧

但電車呢？

為左食飯，就膽粗粗衝左入去。，

依間飛鳥迴轉壽司‧‧‧

又好食又平。

共享單車：

今次來東京仲有一個目的，就係要去試下日本既共享單車。之前搵左好多個APPS，一係要日本地域先可以申請，一係要有日本手提電話號碼收SMS短訊，再唔係咩都有齊但就係永遠收唔到SMS短訊做認證，到近乎放棄既地步，又比我屎忽撞棍，搵到一個共享單車APP，只要有EMAIL同信用卡就可以申請。雖然租單車點唔好多，仲要全部都係非電動車，但最重既係，租車點就係『王子駅』無遠既『赤羽岩淵駅』。坐多兩個站去到赤羽岩淵駅，用GOOGLE MAP好快就搵到依間叫PIPPA係『赤羽駅』既共享單車位置。揀左一架，1,100円既DAY PASS，目的地就係荒川河旁。仲記得朋友陳生同我講過，我屋企果架爛(單)車難踩。但今日租依架共享單車，絕對唔係爛車難踩咁簡單，SEAT位高度教到盡我都係覺得矮，座位同腳踏位之間太短但我腳又太長，踩得辛苦同時仲要係全人力推動，但點解大部份途經既路，都係上斜位多於一切呢？但咁辛苦先搵到一個可以租到共享單車既APPS，幾辛苦都要踩到去荒川。

係荒川河邊兜左一陣，一個鐘後又返回原點。還左架單車，見時間都係兩點半，無可能而家就返酒店HEA呢。望下共享單車另一個還車點，就係『池袋駅』附近。根據GOOGLE MAP資料，踩去都只係需要40分鐘，反正都買左DAY PASS，就唔好嘥左佢。租返同一架單車，由『赤羽駅』出發踩去池袋。但今次就真係仆街，雖然整條路大部分可以踩行人路(其實踩馬路仲好只係好多車感覺好危險)，但大部分既路段，唔知點解只有上斜無得落斜。爛車本身已經難踩，仲要係上斜，而家洗濕左個頭，就只能夠繼續向前。原本只需要40分鐘既車程，踩左成個本鐘，入黑後終於先來到池袋。